O club deportivo Sen Amarras e a federación provincial de COGAMI Pontevedra organizaron a I Copa Ence de slálom inclusivo, 6ª proba do III Campionato Galego Inclusivo, unha proba deportiva náutica puntuable para o campionato galego que naceu co obxectivo de favorecer a inclusión das persoas con discapacidade nas actividades de deporte e lecer náutico. Terá lugar o vindeiro sábado 18 de agosto en Pontevedra.
A competición, financiada por Ence, consistíu nunha proba de regularidade na que as persoas participantes tiveron que completar un slálom con diferentes obstáculos nun tempo máximo, acumulando bonificacións a medida que se foron superando os obstáculos propostos.
Arredor de 30 parellas, de persoas con e sen discapacidade, participaron nesta proba para a que se empregaron embarcacións a motor adaptadas, que contan cunha rampa para acceder a elas directamente coa cadeira de rodas. Este sistema fai posible que as persoas participantes ancoren a cadeira á embarcación e piloten con seguridade.
